సూడ దునియాతున్ బేకె సొందలాత పాట లిరిక్స్..

పల్లవి:- 

||సూడ దునియాతున్ బేకె సొందలాత

బద్దే సర్రీ మాకే కరేమాయ్వకాత ||2||

బద్దె సాపెనా మంతయో... బారి హీనె ఆంతయో ||2||

తొల్లె తాయే రాజ్ వాయి మల్ల మల్ల నన సూడ్లే మంద్కయే సూడ.....

సూడ దునియాతున్ బేకె సొందలాత

బద్దే సర్రీ మాకున్ కరేమాయ్వకాత 

చరణం:-1

మూర బెయ్యేన ఆవజ్ కేంజి

||పియ్య మూరతగ విచ్చివాతయే.....||2||

పెట్టి మేనె పాల్ ఉంజి

||విచ్చెరె కుసీతే డెహ్క లాతయే....||2||

మూరన మంద దిస్వక్ ఆత 

దర్త్రి బెయ్యేనె కాడెర్ వాత

బారి హీనె ఆత మాకున్ కర్రె మాయ్వక్ ఆత సూడా 

సూడ దునియాతున్ బేకె సొందలాత

బద్దే సర్రీ మాకె కరేమాయ్వకాత 

చరణం:-2

గుట్ట మెట్టయే వర్సి సొందిరే

||కాలె సర్రి దిస్వక్ ఆతయే||2||

రాగో మైన పెట్టె పురాడ

||పాటంగ్ కేంచెరె సర్రి తాక్వలే ||2||

ఆకితె మరుమె మన్వల్ పండి

బెయ్యె మాకునే గాటో సీతపె

కేడ బెయ్యెన సోభ సొత్తరొ కేడ నారె అడలాతరో సూడ....

సూడ దునియాతున్ బేకె సొందలాత

బద్దే సర్రీ మాకున్ కరేమాయ్వకాత 

చరణం:-3

రాజ్ కీందటె రాజ్ సొత్తర 

||గుడ్సె మాకునె మెయ్సి మంతరా||2||

తున్క ఇత్తెకే బూతి పుట్టొరా

తిన్క ఇత్తెకే గాటో సెల్లెర

బద్దె గ్రహానె పియ్సి మందరె 

ఈతల్ దునియ వాత సూడరొ

దాపి దాపితె విషం మంతర

బెకె సూడ ఇద్ పగ్రె మాతర సూడ...

సూడ దునియాతున్ బేకె సొందలాత

బద్దే సర్రీ మాకె కరేమాయ్వకాత 

చరణం:-4

పూన పూన ప్యాసన్ వాత 

||రంగ్ రంగ్నె నిందలాత||2||

పజాట రీతి దిశ్వక్ ఆత 

||కంప్యూటారే తాకలాత||2||

మాన్యల్ పేనె ఆసి నిల్తొరె 

రంగ్ రంగ్న మహాల్ కీతొరే

పజట మునెత వొడ్కి కీసినె

చరిత్ర డగూరె నివ్డి కీతొరె సూడ

||సూడ దునియాతున్ బేకె సొందలాత

బద్దే సర్రీ మాకె కరేమాయ్వకాత||2||

   

..........................................Madavi Limbarao